Weqfa Îsmaîl Beşîkcî (WÎB)

Weqfa Îsmaîl Beşîkcî (WÎB) seba ke nameyê Dr. Îsmaîl Beşîkcî ke cuya xwu xebatanê Kurdî rê, azadane îfadekerdişê fikrê rexneyî û pawitişê azadîya akademîkî rê weqif kerda, ancî metodê eyo zanistîyane, xebate û mucadeleyê ci bidiyo ciwînayiş, serra 2011 de Îstanbul de ronîya.

Kitabxaneyê Cigêrayişî yê WÎB de koleksîyonê arizî yê mamosta Îsmaîl Beşîkcî zî daxil arşîvo ke 12.000 kitabî, 800 kovarê ciya-ciyayî û nizdîyê 3000 hezar nusxeyê rojnameyanê ciya-ciyayan tede estê xizmetê wendekaran rê abiyo. Hetobîn ra serra 2014ê ra nat Temsîlkarê Weqfa ma yê Dîyarbekirî dest bi faalîyet kerdo. Roja ronayîşê xo ra nat, weqfa ma seba bihêzkerdişê xebatê Kurdî, xebatên aqademîk û averşîyayiş azadîya fikrîyayiş xebetîyêna, no semed ra gelek panel, atolye, semîner,  programê aqademîk û reya verîn, serra 2013 de Xebatê Mîyannetewî Kurd organîze kerdo.

Weqfê ma heme berhemê mamosta Beşîkçî weşenayî, hetobîn ra warê xebatê Kurdî de gelek berhemê tewir bi tewir weşenayî û  faalîyatanê weşangerîya xo de dewamê çapkerdişê û weşenayişê berhemanê biprestîj û  çimeyanê biberzîn keno. 

Kovara Kürt Tarihi, serra 2012 de dest bi weşanayişê xo kerdibi, serra 2017 de, hûmare 28înê ra dima bi  êynî tîma lîjneya weşanayox hetê Weqfa Îsmaîl Beşîkçî ra yeno weşanayiş.

Vîzyonê ma:

Ma xebitîyenê ke fikro îlmî û rexnekar, azadîya akademîkî, azadî û heqê însanan bêro pawitiş, heqanê grûbanê etnîkî, kulturî û dînî yê dezavatajinan rê hurmet nîşan bidîyo û bigêrîyê binê garantî, aştî û seypêyîya miyanê komelan de bêro ca, meseleyî bi nîyeto baş, diyalog û hurmet nîşandayişê yewbînan bêrê helkerdiş, seypêyîya cinsî ya komelayetî bêro tetbîqkerdiş, hiqûq serdest bo, komelêko azadîwaştox û sîstemêko sîyasî ke zemînê tolerans, prular, beşdarîya demokratîkî û azadîwaştoxî ser o bêro meydan.

Mîsyonê ma:

Ma wazenê seba azadîya îfadekerdişî û azadîya akademîkî mucadele bikin. Enê warî de îhlalkerdişê heqan teqîb bikin û rapor bikin.

Gereka qebûl bibo ke mabeynê fikrê azad ê îlmî û azadîya demokratîkî de têkilîyêka nizdî esta. Coka ma zî enê fikrî ra hereket kenê û xebitîyenê ke yew kulturê akademîkî û unîversîteya otonome ke binê tehakumê siyasî û îdeolojîkî ra vejîyaya ronişo, fealîyetê ma enê warî de yê.

Ma xebitîyenê ke Xebatê Kurdî sey dsîplînêko akademîk bikemilîyê, enê warî de xebatê neweyî û orîjînalî bibê, eserê nuştekî, dîtbarkî û vatişkî yê derheqê kurdan de bêrê arşîvkerdiş û neqlê neslê neweyê bibê. Ma enê xebatan teşwîq kenê, destek kenê, seba enê xebatan torran virazenê û wazenê enê warî de weqfa ma bibo yew merkez.

Ma xebitîyenê ke sere de meseleya kurdan, heme mesele û pêrodayişê komelkî bi rayirê diyalogî û bi hawayêko aştîyane çareser bibê, ancî yew sîstemê siyasî ke zemînêkê demokratîk, azadîwaştox, seypêbiyayox ke heqanê însanî, kulturî û prularî ser o ronîyayo bêro meydan. Weqfa ma xebitîyena ke enê warî de zanayişê akademîkî bêro afernayiş.