Rapora Li Zanîngehên Tirkiyeyê Îxlalên Mafên Akademîk Yên Di Qada Xebatên Kurdî De Hat Weşandin

Rapora Li Zanîngehên Tirkiyeyê Îxlalên Mafên Akademîk Yên Di Qada Xebatên Kurdî De ku ji aliyê weqfa me ve hatiye amadekirin, hat weşandin.

Ev rapora di destê we de ji xebateke çavdêriyê pêk tê ku bala xwe dide li ser îxlalên mafên perwerdehî û agahdariyê, azadiyên akademîk û derbirînê yên akademîsyenên qada Xebatên Kurdî ku ev maf di peyman û belgeyên navneteweyî de hatine parastin û Tirkiyeyê jî îmzeya xwe daniye binê wan.

Ji 20 akademîsyenên ku me hevdîtin pêk anî 10 ji beşên Ziman û Edebiyata/ Çanda Kurdî û Ziman û Edebiyata Zazakî bûn; akademîsyenên mayî jî di beşên wekî Zanista Siyasetê, Sosyolojî, Tarîx, Mîmarî, Antropolojî û Têkiliyên Navneteweyî de dixebitîn û xebatên xwe bi giranî bi zimanên tirkî û îngilîzî bi rê ve dibirin. Dema beşdar hatin diyarkirin aîdiyeta wan a etnîkî ji akademîsyenan nehat pirsîn lê piştî hevdîtinan tabloyeke wisa derket holê ku 19ê beşdaran kurd, 1 tirk; 14 mêr, 6 jî jin in. 9ê beşdaran di 16ê kanûna paşîn a 2016an de danezana “Em ê nebin hevparên vî sûcî!” îmze kirine. Di dema hevdîtinan de ji 9 akademîsyenên îmzekarên danezanê 4 kes di qonaxa rewşa awarte de bi KHKyan ji karên xwe hatibûn îxrackirin, di heman qonaxê de 1î/ê ji peywira xwe îstîfa kiribû, peymana îmzekareke/î ku li zanîngeheke weqfê dixebitî nehatibû nûkirin û 3 akademîsyenên îmzekar jî hê li karê xwe dewam dikirin. Ji 11 akademîsyenên ne îmzekar 3 kes di heman qonaxê de ji ber fikrên xwe yên muxalîf bi KHKyan hatibûn îxrackirin, 2 kesan jî ji ber mobbingê ji karên xwe îstîfa kiribûn. 5 beşdarên ne îmzekar jî li karê xwe dewam dikirin. Wekî encam, dema ku me hevdîtin pêk anî, 13 akademîsyen ji ber sedemên cuda, bi rêyên fişarê û îxlalên mafî ji zanîngehan hatibûn dûrxistin, 7 kesan jî li karên xwe berdewam dikirin.

Hûn dikarin ji vir tevahiya raporê bixwînin…

Çalakîyên Nêzîk
  • 12
  • Ber